ثمة أمور كثيرة ,, تغتالنى ببطئ

هذه الصوره التى ترونها الأن التقطها لى ابن خالتى حين كنا فى زياره الى الأقصر تحديدا فى وادى الملوك , وادى الملوك هذا يقع تحت الأرض بمعنى اننا ننزل تحت الأرض فى سرداب كى نصل الى المقبره المدفون فيها ابن المبطوطى الظاهر خلفى فى الصوره , زياره مثل هذه لا تمر بدون الكاميرا طبعا ما لاحظته هناك انه لا يوجد اى مصرى يزور هذه الاماكن كلهم اجانب لماذا يدفع المصرى المال كى يرى بعض الحجاره التى لا تضر ولا تنفع هذا هو المنطق السائد اما ولاد الرفدى الأجانب فيتمتعون بحضارتنا وكأنهم فى بلدهم حاجه تفور الدم ولهذا فمن النادر ان تجد اى مصرى هناك , المهم ليس هذا موضوعنا ما حصل انى دخلت وللمره الاولى فى حياتى احدى هذه المقابر واخرجت الكاميرا والتقط صوره واذا برجل طوييييل عريض المنكبين مشرئب الفلنكات شلولح صعيدى المظهريرتدى جلابيه وعمه صعيديه يقبل على من بعيد ارتعدت فرائسى خوفا منه ودار بيننا هذا الحوار :

الرجل: اكس كيوز مى
انا : انا مصرى يا عم الحج
الرجل : مصرى وايه الى جايبك هنا
انا : جاى اشوف بلدى
الرجل : المهم التصوير هنا ممنوع وانت حتدينى الكاميرا دى وحتدفع غرامه 200 جنيه مصرى عشان تخدها
انا : كام
الراجل بغيظ : 200 جنيه مصرى
انا : يا حج انا معرفش ان التصوير ممنوع
الرجل : ما ليش صالح فى ورقه مكتوبه بره باب المقبره وبعدين كمان انا لسه واخد الكاميرا من البت السايحه دى
* وكانت فعلا هناك سائحه قد اخذ الرجل منها الكاميرا لألتقاطها صوره فى المقبره ولأنها سائحه فطبعا اعطته الكاميرا فورا لأنها تحترم القانون ولكن حين دار هذا الحديث ورفضت ان اعطيه الكاميرا جائت لترى ما سيحدث .
انا : طب ايه الى يضمنى انك حارس المقبره دى ومش حرامى
الرجل : ايه يا بوى حرامى طب خد وادى البطاقه
انا : وانا حعمل ايه بالبطاقه انا عايز كارنيه يقول انك شغال هنا
الرجل : ليه ما يكفيش البطاقه
انا: لا
* اخرج كارنيه قديم من بعيد واخفاه فى جيبه سريعا دون ان اقرأ منه اى كلمه
الرجل : اهوه شوفت الكارنيه يا خويا
انا : لا انا عايز اقرأو
الرجل : لا انت مش من حقك تلمسوا
انا : يا عم مش حلمسوا امسكوا انت وانا اقرا من بعيد
الرجل : لاع
انا : معلش وانا مش حديك الكامير
الرجل : على الطلاق لا اخد الكاميرا يا اما حتروح معايا للأمن
انا : طب والله العظيم ما انت واخد الكاميرا الا اما اشوف حاجه تثبت انك حارس المكان
* وهنا تدخلت السايحه
السايحه : جمش بلبل را كى فو عا
* مش انجليزى انا مش عارف ايه ده اصلا , المهم بعد شجار عنيف اعطانى الرجل الكاميرا واعطاها ايضا الكاميرا اشمعن هيا وبعد ما اتفرجت على المقبره وانا خارج جالى الراجل وقالى : يا باشا انا كنت حديك الكاميرا بس مش قدام السايحه كده شكلى وحش اوى وبعدين احنا مصريين زى بعض ولا ايه يا باشا
انا : اه طبعا
* وخرجت من المقبره لاجد السائحه تأتى الى وتشكرنى بحراره وكأنى انقذت حياتها بصراحه هذا الموقف ان دل على شئ فانما يدل على اننا شعب عايز الدبح لأننا لا نعترف بأصول قانونيه يحترمها الجميع او اى شئ من العك ده
سلام
اه على فكره الصوره الى فوق دى التقطها فى نفس المقبره بعد ما استخبيت من الراجل عند مصرى بقى اعمل ايه

Advertisements

Comments on: "التصوير ممنوع" (9)

  1. مخبر قمل دولة said:

    يخرب بيت دماغك يا احمدانا مكانك مكنتش هعرف اتصرف كده صراحةبس اتضايقت اوي من استغلال الراجل لطيبة السايحة – كعادتنا – وهي اتعاملت معاه بكل احترام وحسن نية وادته الكاميرابجد حاجة تخنقاه صحيحاخواتي في ابتدائي لسه بيدرسوا ان شعب مصر كريم ومضياف مع السياح ( ايموشن بيكركر من الضحك وبيعيط ف ذات الوقت )

  2. جمعاوي said:

    ههههههههههههههههههايه ده يا احمد انت رايح تبلطج على الراجل وادام الاجانب كمان هههههماشلا يا شيخنا بس موقف أظنه يحتاج مراجعة على ايه مش عارف ههههههههيلا سلام يا عسل

  3. مصعب صلاح البوهي said:

    هذه هي مصر مش اللي بندرسه في المدارس بس بصراحة اللامضة بتنفع احيانا

  4. fashkool said:

    ايه ده يا احمد .. دا انت مشاغب قوى .. وبعدين فيه مصريين بيروحوا يشوفوا الحاجات دى .. بس انت واد محترم بتحب تعرف بلدك وتاريخ بلدك .. سلام مربع ليك يا احمد .. وبعدين انت نورتنى وقلت لى كلام انا مش قده .. دى محاوله عشان اثبت لنفسى انى بعرف اقول كلام يعنى شكله حلو.. تحياتى

  5. احمد بدر الدين said:

    سعاده المخبر******لا تجعل اخوتك يدرسون هذا الكلامالوقع يختلف كثيراعلى فكره السايحه اعتبرت الامر استجابه للقانونتحياتى

  6. احمد بدر الدين said:

    جمعاوى*****حبيبى دى الصعيد ما ينفعش الا البلطجهمراجعه انا ايضا اظن ذلكلكنه مر كما مرتحياتى

  7. احمد بدر الدين said:

    مصعب****مصر هى امى يا باشاشرفت

  8. احمد بدر الدين said:

    استاذ فشكولتسعدنى زيارتك دائماانا لم استطع ان اوفيك قدرك بكلامى ليسالا لا اجيد التعبيرارق التحيات

  9. نعكشة said:

    هههههههههههههههانا متصورة واحدة زيهااصلا المكان دة كلنا اتصورنا فية و الفلاشات بالهبل يعنيقشطةاللي مشددين عليه قويالمقبرة اللي هيا تحت قوي خالص ديةطلعنا و نزلنا 182 سلمةمش فاكرة اسمها اية بس خدت برضو فيها صورة هاع هاع هاعهههههههههههههههههههههههيلا خيركل سنة و حضرتك طيبسلاممتسألنيش كل سنة وانت طيب بمناسبة ايةلاني معرفشبس كل سنة وانت طيبسلام عليك

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: