بسم الله الرحمن الرحيم
رجعت بسرعة الحمد لله ربنا وفقنى انا وإخوانى الى مشروع عظيم نقوم بة فى رمضان بدأنا والحمد لله العمل بجهد لكنى اردت ألا يقتصر المشروع علينا فقط أردت ان ينفذ المشروع فى كل مكان من الممكن أن يصل الية قررت أن أوصل المشروع الى اكبر عدد من الناس عبر الانترنت سيكون هذا شغلى الشاغل حتى نهاية رمضان ان شاء الله واريدكم معى بجهدكم ووقتكم اسأل الله ان يتقبل منا جميعاً .
اية هو المشروع بقى … المشروع اسموا ( مين هيفطر أكتر ؟ ) .
اية دا يعنى اية يعنى شنط رمضان وموائد افطار وكدا يعنى لا مش كدا خالص .
الفكرة جديدة احنا عايزين نوصل الأكل جاهز للفقراء فى رمضان الى البيت قبل الافطار بنصف او ربع ساعة .
واحد حيقول طب لية كدا ؟ مالها موائد رمضان ؟
أقولك يا سيدى فى واحد فقير ما عندوش مانع انو يخرج وياكل فى مائدة فى الشارع بس فى واحد تانى عفيف جداَ وما يرضاش ابداً انو يخرج يأكل على مائدة رمضان ؟
اه ماشى طب لية ما تكونش شنطة رمضان ؟
أقولك يا سيدى انك توصل الاكل جاهز للبيوت ليها طعم تانى خالص غير ما تودى الاكل مش جاهز والاسرة لسة حتعملة وبعدين الثواب على قدر التعب واحنا عايزين نحصل اكبر ثواب من ربنا سبحانة وتعالى .
طيب انا مطلوب منى اية ؟
اقولك يا سيدى مطلوب منك
أولا : تنشر الحملة دى على الانترنت من خلال الميل او المدونات او الفيس بوك
ثانيا : تقوم بتنفيذ الحملة على ارض الواقع اما بمفردك او فى جماعة ودا حيكون أفضل
دى بنرات الحملة ارجو من كل انسان يريد المشاركة معنا أن يضعها فى مدونتة وسأكتب بأذن الله تعالى خطة الحملة وكيفية التنفيذ قريبا جدا ارجو من اى مشارك يترك لى تعليق يخبرنى بما فعلة حتى نحصر المشاركين وطرق المشاركة :
اولاَ : اضافة موضوع على المدونة تعريفى بالحملة .
ثانيا : اضافة البنر على مدونتك .
ثالثاً : اضافة لينك المدونة فى مدونتك وارسالة بالميل .
اية هو المشروع بقى … المشروع اسموا ( مين هيفطر أكتر ؟ ) .
اية دا يعنى اية يعنى شنط رمضان وموائد افطار وكدا يعنى لا مش كدا خالص .
الفكرة جديدة احنا عايزين نوصل الأكل جاهز للفقراء فى رمضان الى البيت قبل الافطار بنصف او ربع ساعة .
واحد حيقول طب لية كدا ؟ مالها موائد رمضان ؟
أقولك يا سيدى فى واحد فقير ما عندوش مانع انو يخرج وياكل فى مائدة فى الشارع بس فى واحد تانى عفيف جداَ وما يرضاش ابداً انو يخرج يأكل على مائدة رمضان ؟
اه ماشى طب لية ما تكونش شنطة رمضان ؟
أقولك يا سيدى انك توصل الاكل جاهز للبيوت ليها طعم تانى خالص غير ما تودى الاكل مش جاهز والاسرة لسة حتعملة وبعدين الثواب على قدر التعب واحنا عايزين نحصل اكبر ثواب من ربنا سبحانة وتعالى .
طيب انا مطلوب منى اية ؟
اقولك يا سيدى مطلوب منك
أولا : تنشر الحملة دى على الانترنت من خلال الميل او المدونات او الفيس بوك
ثانيا : تقوم بتنفيذ الحملة على ارض الواقع اما بمفردك او فى جماعة ودا حيكون أفضل
دى بنرات الحملة ارجو من كل انسان يريد المشاركة معنا أن يضعها فى مدونتة وسأكتب بأذن الله تعالى خطة الحملة وكيفية التنفيذ قريبا جدا ارجو من اى مشارك يترك لى تعليق يخبرنى بما فعلة حتى نحصر المشاركين وطرق المشاركة :
اولاَ : اضافة موضوع على المدونة تعريفى بالحملة .
ثانيا : اضافة البنر على مدونتك .
ثالثاً : اضافة لينك المدونة فى مدونتك وارسالة بالميل .
واليكم البنرات
أحمد بدرالدين 
Comments on: "يلا بينا .. مين هيفطر أكتر ؟" (34)
ماشاء الله فكرة جميلة جدا فكرتنى حضرتك بفكرة كانت تنفذ هنا عندنا بس كانت مقتصرة على توزيع الطعام جاهز للمستشفيات لكن فعلا جهد حضرتك لنشرها بصورة أكبر عبر شبكة الانترنت فكرة جميلة جدا جزاك الله خيرا عليها وإن شاء الله نفعل الموضوع وربنا يتقبل منا ومنكم
اولاً: انا حبيت اعلق للافاده والله وليس اكثر..,مبدأياً الفكرة مش جديدة…وبالفعل تم تنفيذها قبل كده من سنين فاتت كتيييير..وللأسف منجحتش..,ثانياً:حضرتك لما قلت (انك توصل الاكل جاهز للبيوت ليها طعم تانى خالص غير ما تودى الاكل مش جاهز )حلو..بس الكلام الدقيق…يا ترا طعم الاكل ده عند الناس اللى بتستقبله ايه؟؟عشان كده عايزة اسأل سيادتك سؤال..لو حد جاب لك اكل..ومتعرفش منين ؟ومين اللى عمله؟(ده بغض النظر عن طعمه طبعاً) :)يا ترا ايه هيبقى شعورك وانت بتاكله؟ويا ترا هتاكله اصلاً؟!..مش انت بس لاء ده اى حد..أكييد هيفكر مرة واتنيين وتلاتة وعشريين..ولا ايه!!وعلى فكرة ده مش كلامى واحكامى الشخصية..لاء ده احكام الناس اللى جالهم الاكل ده…بالاضافة ان المشقة عمرها ما كانت عند الناس دى انها تعمل اكلها بنفسها..(الفقراء) لان المشكلة الحقيقة عندهم هيه ان مفيش موارد..بالاضافة ان أحنا بكده بنوصل اشارات سلبية للناس دى..ان هما دورهم انهم يستنوا الحاجة تنزل لهم من السما من غير اى جهد "التواكل" اللى قال عليه الشيخ محمد عبده((لو انكم تتوكلون على الله حق توكله لرزقكم مثلما يرزق الطير تلبث فى اعشاشها وتفتح افواهها)) وعلى فكرة انا مقدرة جداً الجهد اللى انتوا عايزيين تبذلوه و أقصى قدر من الثواب اللى انتوا عايزين تحصلوا عليه..ولكن..يؤسفنى أن اقول ان لهذا الامر الذى انتم بصدد الخوض فيه له وجوه أخرى !!!وجزاكم الله خير الثواب وخير الاجر وفى النهاية (إنما الاعمال بالنيات)ولكم الاجر إن شاء الله 🙂
ماشاء الله اخىمبااادرة راااااااائعة منكم وبأذن الله نكون معكم ونحاااول جاهدين نشر الفكرة فى المنتدياتولكنى كنت اقترح ان ندعمه بمواد صوتية اناشيد وغيرة ( وايضا فضل افطار الصائم بأيات من القران واحديث )جزاكم الله خير وجعلة بميزان حسناتكملا تنسو تجديد النية
اختى خديجةشكرا على التفاعلاها فكرة المستشفيات جميلربنا يجعلة فى الميزانربنا يتقبل منك اختى ويلا بينا نشمر السواعد وربنا يكرمنا جميعا
اخى غير معروفجزاكم الله خيرا على اهتمامك وحرصك على نصيحتنا وارشادنا الى ما فية الخيربداية هذا المشروع كنت انا شاهدا على تنفيذة السنة الماضية ولاقى نجاحا رائعاالفقير الذى لا يقبل الطعام لعدم علمة بالمصدر لماذا يقبلة على مائدة رمضان وهى ايضا غير عالم بالمصدرهذة ليست حجةنحن لا نعود الناس التواكللان كل اسرة حيوصلها يوم واحد بس فى رمضانمش كل ييومما اعتقدش ان اليوم دا هو الى حيعلمهم التواكلشكرا على مشاركتك
اختى ليل وقمرشكرا على المشاركة والتواصلفعلا نحتاج الى كل جهد معانا عشان نوصل الفكرةيارب يجعلة فى ميزانك
((بداية هذا المشروع كنت انا شاهدا على تنفيذة السنة الماضية ولاقى نجاحا رائعا))فيين طيب..نبقى نجيب الاكل عندكم,حيث الاناس الذين لا يتذمرون (ولكن هل هم لا يتذمرون حتى فى انفسهم وما هى نسبة رضاهم عن الذى يقدم لهم) !!ما إدراك..هل سألتهم؟!!؟(س\الفقير الذى لا يقبل الطعام لعدم علمة بالمصدر لماذا يقبلة على مائدة رمضان وهى ايضا غير عالم بالمصدر)ج\لانه مضطر..ليه بقى نحطه فى الدايرة دى..ليه منحولش نطلعه منها..!!؟(هذة ليست حجة)..بل هى ام الحجج فى نظرى !(نحن لا نعود الناس التواكللان كل اسرة حيوصلها يوم واحد بس فى رمضانمش كل ييومما اعتقدش ان اليوم دا هو الى حيعلمهم التواكل) وما أدراك ! :)ومثالاً أن فكرة زى فكرةالشنط مثلاً ..فكرة ناجحة اينعم…لكن ألا تظن أحياناً انها مضيعة لأموال المسلمين…يعنى لما كل أسرة يجيلها من مصادر متفرقة بتاع 6 شنط…لدرجة ان الحاجة تكون فائضة عن استخدامهم…فيبدأوا ببيعها برخص التراب وبسعر لا يساوى ربع قيمتها حتى…على ايه كل ده..!!!طيب ما كل واحد يدى فلوس والفقير اللى عايزه يجيبه بنفسه..ما الفقراء برضه بنى ادميين ومخيريين..وأكيد فى أنواع سلع بتعجبهم وانواع أخرى لا تعجبهم..حيث ان الزكاة فى رمضان ..تكاد وتكون مقتصرة على توفير الطعام…وكأن رمضان شهر الطعام…وعلى نفس الوتيرة مشروع افطار الصائم..ومشروعكم..ليه؟!!لا أعرف ؟!!!ارجوا أن لا يكون كلامى ثقيل على أنفسكم …وجزاكم الله كل خير..
انا دخلت عندك اخر الليل يا احمدوبعدين الموضوع عايز تفكير يعنى فى شبين ولا اشمونسيبنى افكر شويهما قلتش لنا عملت ايه فى الامتحانات واخبار المجموع ايه … على الله يكون المجموع حلوطمنا عليكتحياتى
متابع …
ما شاء اللهفكرة جميلهويا ريتني كنت في مصرعموما اللي أقدر أقترحه عليكم بس أكله سهله(الحواوشي)..العيش باللحمهبيكون سهل بيتعمل في الفرن وممكن توزعه بسهولهوالله يا بنيّ الفقراء(الجعانين)بياكلوا أي حاجهسمعت شخص يحكي أن هناك رجل طيب كل اللي عمله إنه سلق معكرونه وعملها ووقف يوزعها على الفقراء وكانوا ملمومين عليه(زحام رهيب) تخيل بإيهأكياس نايلون ياخدوا منه شويه…من جوعهم وجوع أطفالهمبارك الله فيكم يا بنيّ وأسأل الله أن يعينكم وأن يستخدمكم ولا يستبدلكمأكثروا من هذا الدعاء(اللهم استخدمني ولا تستبدلني)
مدونة الشارع الفلسطينىفكرة جميلة جدا وانا ضد اى راى يعيق هذا العمل انا اؤيد اى عمل فيه الخير وما دمت اخى تعمل خيرا فتقدم واجرك عند الله كبير ناسى كتير محتاجة اى عمل وانا بقول للكل ساهم باى شىء واجرك عظيم انشاء اللهمدونة الشارع الفلسطينىغزة
مدونة الشارع الفلسطينىفكرة جميلة جدا وانا ضد اى راى يعيق هذا العمل انا اؤيد اى عمل فيه الخير وما دمت اخى تعمل خيرا فتقدم واجرك عند الله كبير ناسى كتير محتاجة اى عمل وانا بقول للكل ساهم باى شىء واجرك عظيم انشاء اللهمدونة الشارع الفلسطينىغزة
السلام عليكم ورحمة الله وبركاته…جزيتم خيرا وأسأل الله أن يجعلها في ميزان حسناتكم….متابعه معكم ……ومسانده لكم أنا ومدونتي …ونسأل الله التوفيق…>>>>>>جديده قديمه مطوره مزعزعهأيا كانت الفكره …يجب الإستمرار بها لما يعم من نفع والمشكلات الصغيره ستحل نفسها بنفسها لأن العمل خالص لوجه الله تعالى توكل أخي أنت ومن معك على الله وإحتسب الأجر …….في امان الله
استاذى العزيز فشكوووالفكرة قابلة للتطبيق فى اى مكانقريبا سأذكر تفاصيل الموضوعشكرا على السؤال
جمعاوىتابع و أدعممنور يا كبير
الفاضلة ام البنينشكرا على تشريفكاقتراحك رائعومفيدفعلا السريعة عملية اكثرشكرا انتى رديتى على كل من يحاول النيل من فكرة المشروعالفقير بيأكل اى شئ فعلافى هذا الزمان السئ
الشارع الفلسطينىمنور اخى الحبيبصحيح لن يعيق عمل الخير شئالمهم الاخلاصاللهم الرزقنا الاخلاص يارب
اختى الكريمة نهاردعمك لى اسعدنىدائما سباقة للخيرجزاك الله كل خيروعذرا على تقصيرىفعلا ستتداركك الاخطاءوسيوفقنا اللهمادام العمل له
ربنا معاك ان شاء الله ربنا هايكرمك ويقدركانت عارف يا أحمد لو كل واحد عمل وجبة زيادة عن طعامه فقط واعطاها لفقير لما كان على الارض جائعربنا يقدرنا على ارضائه اللهم امينتقديري
رنا يقويك ويعينك وان شاء الله يكون هذا العمل فى ميزان حسناتك وحقيقى فى ناس بتخاف من اى حد بيعطى له طعام جاهز بس ده مش مبرر احنا بنتعامل مع ربنا يعنى اكيد هذفنا سلعةالله الغالية اللى هى طبعا الجنة ومش هنقدر نعمل غير افضل الاطعمة لاننا نتعامل مع رب العزة وليس مع البشر جزاك الله خيرا اخى العزيز ويارب يكون فى ميزان حسناتك يارب تقبل تحياتى
السلام عليكم ورحمة الله تعالى وبركاته أنا جاية ابارك لك على دخولك كلية الأعلام قرأت هذا فى ردك على الاستاذ فشكووووووووووول وفقك الله الى ما تحب ويرضى.
مع احتراماى لاقتراحك لكنى ارى اعطاء المالللفقير اجدى واحسن الفمرة هو ادرى واعلم بمايحتاجه.ومرة تانية مبرووك النجاح والتفوق .وفقك الله
تقبل الله منا ومنكم صالح الاعمالربنا يهدينا جميعا لفعل الخير
فكرة حقيقى جميلة الله يرضى عليك رينا يجعله فى ميزان حسناتك واسمح لى انى أضع البانر فى مدونتى المتواضعةدمت بكل الخير
السلام عليكم ورحمه الله وبركاتهما شاء الله مشروع رائعومن احب الاعمال الى الله اطعام الطعامولا تلتفتوا لمن يعيق هذا العمل العظيم ونحن معكم وسننشرها ندعوكم للمشاركه معنا فى حمله لو عرفوه هيحبوه لنصره النبى صلى الله عليه وسلم
السلام عليكم ورحمه الله وبركاتهبارك الله فيكم وفى عملكم المباركولكم باذن الله بكل صائم مثل اجره واهم شئ تجديد النيه وتعددها لتكثر الحسناتتتشرف اسره رابطه هويتى اسلاميه بزيارتكم لهانسعد بذلك,,
سلام عليكمأولاً :شفاكَ الله و عافاك ..يا رب ييسرلك اللي فيه الخيرالدكتور قال إية مؤخراً بقة؟؟؟ أرجو ألا يكون هناك داع لعمليةثانياً : نتيجة الثانوية طلعت على فكرة؟؟ عملت اية؟؟ و كتبت إية في الرغبات؟؟؟ثالثاً : معظم الاحصائيات اللي في بلدنا لا تعبر عن الحقيقة ذلك لأن مركز الاحصاء معرفش بيعمل إيهو خاصة احصائيات الامراضنفسي أعرف فين المشكلة بالظبط وليكنالبطالة انا شايفة انها مسؤلية الشعب أكثر منها الحكومة عذراً يعني و لكن هذا هو رأيياللي عايز يشتغل هيشتغل هيحفر في الارض بإيده و سنانهرابعة : لا أكذبك القول لم أكن أعلم بأمر سبرنتينا و إن شاء الله هبحث في النت بعد ما أخلص هذا التعليق كي أعلمأتفق معكَ تماماً في إن الناس او الامة بقت كل حاجة عندها عاديانا اتكلم بلسان حاليربنا يسترأنا مش عارفة صراحة دة من إيةاعتقد دة لإني مش بتفرج كتير على نشرات الاخبار او مبتفرجش اصلاً عليها و مبقراش الجرايدطيب حتى لو عملت كدةهفيدهم بإية؟؟أنا اللي شايفاه إن كل واحد يعمل في مجاله من أجل اصلاح الامةو نشترك في الدعم المادي و الدعائيوليكنكان الله في عونهمو ربا يستر عليناخامساً : أعرف واحدة بتعمل كدة ف رمضان و في اوقات الصيام المستحبة في غير رمضانلما بيتيسر ليا الوقت ساعات بشاركربنا يباركلكم يا رب و يعزكمو يشد من ازركمسلام عليك
شوفت المدونة بتاعت سبرنيتشا ولي سؤالمعلشأنا فاشلة في المواضييع دية فأرجو تفهم ذلكما الهدف من التذكرة بانه تم ذبح 8000 مسلم قهراًو أن من ذبحهم لم يتم محاكمته و الاخر هاربعارفة إنه شيء مفجع حدث من 8 سنين ولازال يحدث في بعض البلدان المسلمة بس السؤال هناإية اللي هنقدر نعملهولهم؟؟؟إية اللي هيستفيدوه من نشر تذكرة بما حدث لهم و لم يتم محاكمة فاعلة كما يحدث في الكثير من الناس سواء قتل او غيره من الاهانات للمسلمينفين الفائدة العائدة عليهم؟؟؟او الشيء اللي أضفناه؟؟أرجو اعتباري بستفهمسلام عليك
معاك ان شاء اللهجزاكم الله خيراوجعله فى ميزان حسناتك
وع فكرة انا اعرف ناس فقرا مش بيدوروا الاكل دا ايه ولا اتعمل امتى ولا ازاى ومش متواكلين ابدا والله دول بيشتغلوا بس هى الحكاية مش مقضية عليهموللاسف شفت اكتر من حد بيقول للناس اللة عندهم اكل فائض عن حاجتهم (بدل ماتحطوه للقطط والكلاب هاتوه لنا )والله سمعتها من اكتر من ربة منزلارحموا من فى الارض .
يا احمد ياريت تظبط الشدة بتاعت مين ( ح يفطر ) أكتر علشان كده ممكن تقرأ مش صح فاهمنى يا أزهرى …!!!
الرابط ده ح يعججبك يا أحمد و ياريت تعبرنى و تتصل بيا أحب على دماغك (: http://www.ikhwan.net/vb/showthread.php?t=94061
أخي و ابني أحمدعودا حميدا لقراءك و اخوانكما شاء الله و بارك فيك و في اخوانك و كثر من أمثالكمتقبل الله منك صالح الأعمال و أثقل بها موازين حسناتكم دمتم في طاعة الله
"شكرا انتى رديتى على كل من يحاول النيل من فكرة المشروعلم أكن أحاول النيل من مشروعكم..آسفة لان رأيي وصل لكم بهذه الطريقة…"فكرة جميلة جدا وانا ضد اى راى يعيق هذا العمل انا اؤيد اى عمل فيه الخير "فكرة جميلة..بالفعل, وأحسبك تقصد رأيىبأنه الذى يعيق هذا العمل..!!!وهذا إن دل على شئ دل على انكم لم تتفهموا رأيي الافطار..فكرة جيدة..ولكن علينا ان نعى ان الافطار والطعام ليست الشغل الشاغل للفقراء.. فهم كما قلت"الفقير بيأكل اى شئ فعلافى هذا الزمان السئ"فمن المخذى اننا لا نتذكر أن هؤلاء الفقراء الذين نسعى إلى أطعامهم وإراحتهم فى رمضان هم أنفسهم الذين يعيشون لمدة إحدى عشرة شهراً لا يفكر بهم وبأحوالهم أحد فلم لا نحاول ان نغير فكرنا..,وطريقة تفكيرنا..لنرقى بها إلى طريقة تسهم فى مساعدة الفقراء..وليس لاطعامهم فقط..فلنبحث لهم عن مأوى لهم من البرد…فلنبحث لهم عن فرص للعمل.. عن طرق للكسب..تغنيهم عن مساعدتنا..لما يجب ان نحصرهم طوال الوقت فى دائرة الفقراء المتلقيين للمساعدات..لما لا نحاول ان نرقى بهم.إلى ما هو أعلى من ذلك.."جديده قديمه مطوره مزعزعهأيا كانت الفكره …يجب الإستمرار بها لما يعم من نفع والمشكلات الصغيره ستحل نفسها بنفسها "المشكلات الناتجة عنها ليست صغيرة..أختى"مع احتراماى لاقتراحكلكنى ارى اعطاء المالللفقير اجدى واحسن الفمرة هو ادرى واعلم بمايحتاجه"وهذا لب ما كنت اتكلم عنه وأؤيده..وما ارييد ايضاحه.."انا اعرف ناس فقرامش بيدوروا الاكل داايه ولا اتعمل امتى ولا ازاى"وأرجع اقول تانى وده عشان هما جعانيين ومضطرين ياكلوا اى حاجة"ومش متواكلينابدا والله دول بيشتغلوا بس هى الحكاية مش مقضية عليهم"اكيد كلامى مكنش معناه ان لما الواحد يعطى لاحد الفقراء طعام يبقى بيعلمه التواكل..ولكنى قصدت فكرة إيصال الطعام حد البيت..وأعلم جيداً انه لم تأت لكم هذه الفكرة إلا حباً فى التوسيع على الفقراء فى هذا الشهر المفترج…"وللاسف شفت اكتر من حد بيقول للناس اللى عندهم اكل فائض عن حاجتهمبدل ماتحطوه للقطط والكلاب هاتوه لنا "وهذا ما وصل إليه الفقراء من مستوى…بسبب طريقتنا فى معاملتهم..وقسوتنا عليهم…فلو ان هنالك بقايا اطعمه فائضة لنعطيها لقط.. لأافضل الف مرة من أن نعطيها للقط على ان نعطيها للفقير…فالفقير انسان والقط حيوان…وطعام الانسان يختلف عن طعام الحيوان…فلتعطى طعاماً تقابل به الله تعالى يوم القيامة او لا تعطى افضل لك…وللفقير المسكين"ارحموا من فى الارض ".يرحمكم من فى السماءوجزاكم الله خيـــــــــــراً…,